Genesis 19

Ukubhujiswa kweSodoma leGomora

1Ingilosi ezimbili zasezifika eSodoma ^a sekuhlwile. LoLothi wayehlezi esangweni leSodoma. Kwathi uLothi ezibona, wasukuma ukuzihlangabeza ^b, wathi mbo ngobuso emhlabathini; 2wasesithi: Khangelani-ke makhosi ami, ngicela liphendukele endlini yenceku yenu ^c, lilale ubusuku, ligeze inyawo zenu ^d, beselivuka ngovivi, lihambe indlela yenu. Zathi-ke: Hatshi, kodwa sizalala endleleni ^e. 3Wasezincenga kakhulu zaze zaphendukela kuye zangena endlini yakhe; wazenzela idili, wapheka isinkwa esingelamvubelo, zasezisidla.

4Zingakalali, amadoda omuzi, amadoda eSodoma, azingelezela indlu, kusukela komutsha kusiya komdala, bonke abantu bevela ephethelweni lomuzi. 5Asembiza ^f uLothi athi kuye: Angaphi amadoda afike kuwe lobubusuku? Akhuphele phandle kithi ^g ukuze siwazi ^h. 6ULothi wasephumela kuwo emnyango ⁱ, wavala umnyango ngemva kwakhe. 7Wathi: Ngiyacela bazalwane, lingenzi okubi. 8Khangelani-ke, ngilamadodakazi amabili, angakazi indoda ^j; ake ngilikhuphele wona, beselisenza kuwo njengokuhle emehlweni enu; kodwa kulamadoda lingenzi lutho, ngoba yikho engene emthunzini wophahla lwami ^k. 9Kodwa athi: Xekela le. Athi njalo: Yena lo yedwa wafika engowezizwe ^l, kambe ngeqiniso angaba ngumahluleli ^m? Khathesi sizakwenza okubi kuwe okwedlula wona. Acindezela kakhulu indoda uLothi, asondela ukuze afohloze isivalo. 10Kodwa lawomadoda elula isandla sawo, amngenisa uLothi kuwo endlini, avala umnyango. 11Asetshaya amadoda ayesemnyango wendlu ngobuphofu ⁿ, kusukela komncinyane kusiya komkhulu, aze adinwa yikudinga umnyango.

12Amadoda asesithi kuLothi: Useselobani lapha? Umkhwenyana lamadodana akho lamadodakazi akho, laye wonke olaye emzini, mkhuphe kulindawo ^o, 13ngoba sizabhubhisa lindawo, ngoba isikhalo sabo sikhulu phambi kweNkosi; njalo iNkosi isithumile ukuthi siyibhubhise. 14ULothi wasephuma, wakhuluma labakhwenyana bakhe ^p ababezathatha amadodakazi akhe, wathi: Sukumani liphume kulindawo ^q; ngoba iNkosi izabhubhisa umuzi. Kodwa waba njengosomayo emehlweni abakhwenyana bakhe.

15Kwathi emadabukakusa, ingilosi zamcindezela uLothi, zisithi: Suka, uthathe umkakho lamadodakazi akho womabili atholakalayo, hlezi ubhujiswe ebubini ▼

▼ ebubini: kumbe,  ekujezisweni.

bomuzi. 16Kodwa esazilazila, amadoda abamba isandla sakhe, lesandla somkakhe, lesandla samadodakazi akhe womabili, ngoba iNkosi ilomusa kuye, asemkhupha, ambeka ngaphandle komuzi.

17Kwasekusithi esebakhuphele ngaphandle, yathi: Baleka ngenxa yempilo yakho, ungakhangeli ngemva kwakho ^s, ungemi egcekeni lonke; balekela entabeni hlezi ubhujiswe. 18ULothi wasesithi kuwo: Kakungabi njalo, Nkosi ^t yami. 19Khangela-ke, inceku yakho ithole umusa emehlweni akho, ukhulisile isihawu sakho, osenze kimi, ukugcina uphila umphefumulo wami; kodwa mina ngingeke ngiphephele entabeni, hlezi ububi bunamathele kimi, besengisifa. 20Khangela-ke, lumuzi useduze ukubalekela kuwo; futhi umncinyane. Ngicela ngibalekele kuwo (kambe kawumncinyane?) lomphefumulo wami uphile. 21Yasisithi kuye: Khangela, ngibemukele ubuso bakho ▼

▼ ngikwemukele: Heb  ngibuphakamisile ubuso bakho.

lakulolu udaba ^v, ukuze ngingawuchithi umuzi okhulume ngawo. 22Phangisa, balekela kuwo; ngoba ngingeze ngenza ulutho uze ufike kuwo ^w. Ngakho babiza ibizo lomuzi ngokuthi yiZowari ^{x ,} ▼

▼ iZowari: okuyikuthi,  okuncinyane.

.

23Ilanga laseliphumile phezu komhlaba lapho uLothi engena eZowari. 24INkosi yasinisa phezu kweSodoma laphezu kweGomora isibabule lomlilo ^z, kuvela eNkosini kuvela emazulwini. 25Yasibhubhisa leyomizi legceke lonke, labo bonke ababehlala emizini, lokuhlumayo komhlaba. 26Kodwa umkakhe wakhangela emuva engemuva kwakhe, wasesiba yinsika yetshwayi ^aa.

27UAbrahama wasevuka ekuseni kakhulu, waya endaweni lapho ayemi khona phambi kweNkosi ^ab. 28Wasekhangela phansi ngaseSodoma leGomora langasemhlabathini wonke wegceke, wabona, njalo khangela, intuthu yathunqa emhlabeni njengentuthu yesithando ^ac.

29Kwasekusithi uNkulunkulu esebhubhisile imizi yegceke uNkulunkulu wamkhumbula uAbrahama ^ad, wamkhokhela uLothi emkhupha phakathi kwencithakalo, mhla ebhubhisa imizi ayehlala kuyo uLothi.

UMowabi loAmoni

30ULothi wasesenyuka esuka eZowari, wahlala entabeni ^ae, lamadodakazi akhe womabili laye, ngoba wayesesaba ukuhlala eZowari; wahlala obhalwini, yena lamadodakazi akhe womabili. 31Endala yasisithi kwencinyane: Ubaba usemdala, njalo kakulandoda emhlabeni ukungena kithi, ngokwendlela yomhlaba wonke. 32Woza simnathise ubaba iwayini, silale laye sigcine iphila inzalo evela kubaba. 33Asemnathisa uyise iwayini ngalobobusuku; endala yasingena yalala loyise, futhi kakwazanga ekulaleni kwayo lekusukeni kwayo. 34Kwasekusithi ngosuku olulandelayo endala yathi kwencinyane: Khangela, bengilele lobaba ngobusuku obedlulileyo; asimnathise iwayini langalobubusuku, ubusungena ulale laye, ukuze sigcine iphila inzalo evela kubaba. 35Asemnathisa uyise iwayini langalobobusuku; lencinyane yasukuma yalala laye, futhi kakwazanga ekulaleni kwayo lekusukeni kwayo. 36Ngokunjalo amadodakazi womabili kaLothi athatha izisu kuyise. 37Endala yasizala indodana, yayitha ibizo yathi nguMowabi; lowo nguyise wamaMowabi ^af kuze kube lamuhla. 38Lencinyane layo yazala indodana, yayitha ibizo yathi nguBenami; lowo nguyise wabantwana bakoAmoni ^ag kuze kube lamuhla.